حادي بادي ...حادي بادي.. ها؟؟؟ نازلين و لا ؟؟
تعبتوا ؟؟ زهقتوا ؟؟؟ مليتوا ؟؟؟ و لا يئستم و اصابكم الاحباط ؟؟لأان ما فيش فايدة ..يا خسارة و أنا اللي كنت فاكراكم مناضلين !!!!
و بعدين هي صلاة الجمعة ما بقيتش تجوز في الميدان و لا ايه؟؟عيب اوي اللي بتقولوه ده كنت فاكرة المندسين كثير .اتاريهم تابوا و بطلوا
بس انا عاوزة اقول لكم حاجة مهمة جدا..الحرامية الكومبو بس هما اللي في طرة انما الجامبوو اللارج و الميديم لسه بره ..و الثورة اعطتهم فرصة ذهبية للاستيلاء على ما لم يكن الكبار قد نهبوه من دماء و ارواح و أجساد هذا الشعب الطهقان ..يعني احنا ثبتنا اللي احنا عارفينهم عشان ندي فرصة للوجوه الجديدة ..بالذمة ده كلام؟؟؟
بالذمة الناس اللي عمالين ينطوا لنا في التلفزيون كل يوم مش هما هما ؟؟؟عارفينهم ؟؟ بتوع عاش الملك عاش!!! اللي النهاردة بيقولوا مات الملك مات !!! انتوا مش بتشوفوهم و لا انا متهيا لي ام اختلط على الامر؟؟
و الضباط اللي كانوا على راس النظام الشرطي في السنوات الاخيرة اللي كانوا بيساهموا في قمع كل من ينطق بكلمة حق لدى السلطان الجائر ؟؟ و على تشويه اي فرد يتصدى للفساد و المفسدين او يتحدث بسوء عن مخطط التوريث او يكشف للعامة فضائح النظام السابق و اآلة القمعية الجبارة التي تحصل عبى مرتباتها من قوت الشعب و اموال دافعي الضرائب...
عارفين انا عارفة اسامي ناس كثير اوي و الادهى من ذلك اني عارفة فضايحهم ..يعني مثلا لما يكون واحد موظف في وزارة العدل و مراته دكتورة في الجامعة و ولاده كلهم يبقوا موظفين في وزارة العدل بردو و كل واحد في العيلة عنده عربية معدية المياية ..مع ان العيلة ابا عن جد موظفين بردو و لا وارثين و لا عليهم طين ..و انا مش بارمي الناس بالباطل لاني مش باقول اسماء ..بس تفتكروا دول ممكن يكونو راكبين عربيات و كل واحد عنده شقة تمليك في ايام الغلا- عشان ما حدش يتذاكى و يقول شارييناها في الرخص ...و كل ده من مرتباتهم اللي يادوب تكفي مصروفات المدارس الخاصة و الاكل في البيت لان الديلفري مكلف جدا لو اسرة اللي حتاكل..؟؟؟؟و الله هو سؤال محير
و حاقول معلومة كمان يمكن تعرفكم الاجابة ..السيد الوالد عضو في اللجنة اللي بتمتحن الولاد اللي بيقدموا في النيابة ..و دمتم سالمين.
فتكروا لما يكون في قاضي ممكن يغير رايه في قضية ملفها معاه - و على فكرة القضاة (رئيس و عضو يمين و عضو شمال) بيقسموا القضايا و كل واحد بياخد ملف يقراه و يكتب مذكرة ممكن يعرضها عالباقيين بس مش حيقروا الورق كله ...عشان يعرفوا المذكرة تنفع و لا في حاجة زيادة او حاجة ناقصة و على فكرة الكلام ده مش تاليف او تخمين او استنتاج ده من فم راجل عضو في هيئة قضائية و عربيته عليها ثلاثين بادج...طيب لو سلمنا ان كلنا بشر و غير معصومين من الخطأ لو عندنا فرصة ننفرد بالقرار في اي حاجة ...يبقى احنا بنعترف ان لو حصل خطا كم واحد فيهم عند انفراده بالقرار ما حدش حيراجعه فيه و عليك باه و على قاضي تاني درجة و تاجيل في تاجيل و الشكوى لغير الله مذلة ...أي و الله مذلة .
انا لا اطعن في كل رجل شريف في هذا البلد و لكني يحزنني و يحز في نفسي ان اجد ان بعض بني وطني موجودين في مواقع حساسة و سيادية و مؤثرة و ان ما فيش جهاز رقابي مستقل يشرف عليهم و يقوم الاخطاء و يصلح الاعوجاج اذا ظهر و الخطا اذا بدر..
انا جبت تلات امثلة بس ..و لكن البقية تاتي في حلقة اخرى لضيق الوقت المتبقي و النهاردة الخميس مش حاسيب اي خروجة جامدة مع الاصدقاء و اقعد اتكلم في السياسة و احوال البلد ..انا مش سعد زغلول و مش حيتعملي تمثال زي بتاع طلعت حرب..
طيب نيجي للمهم : احنا عملنا الثورة ليه ؟؟؟ايه ده حد حدف حاجة ..مش مهم ..ما علينا انا مش باتهز و لا باتهدد ..عملناها عشان نعيش بكرامة و نخلص من الظلم و القهر و الجهل و الفقر و المرض ..عشان كل الناس تاخد الفرصة اللي تستحقها مش ابن الوزير يبقى وزير و ابن النايب يكون نايب و ابن عضو هيئة التدريس يطلع معيد ... و موظف البترول يطلع معاش و يجيب ابنه مكانه ..
عشان نخلص من الوراثة و التوريث هي مش عزبة ابوهم ..
عشان لما الفقير و الغني يعرفوا يعلموا ولادهم و ياخدوا نفس فرص الترقي و النجاح بالضبط ..عشان لما بواب العمارة يروح القسم يتعامل زي صاحبها تمام ..عشان العدل ..العدل يا جماعة..اي نعم ربنا خلقنا درجات و طبقات ..بس اللي بيحصل ده كتير ..في ناس كتير عايشة في البلد دي غريبة و حقها مهدور و كرامتها ضايعة يمكن انا مش منهم ..و اللي بيقرا الكلام ده كمان ..لكن تخيلوا معايا لو احنا مكانهم حيبقى شعورنا ايه؟؟؟ عارفين انا عندي فيلم على اللاب توب اتفرجت عليه تلاتين مرة فيلم عربي بجد و صدفة غربية ممكن يكون الحياة فيها اغرب منها الفيلم ده اسمه بدل فاقد و قصته تتلخص في توام في احد الملاجئ احدهما تبناه ضابط شرطة و السيده المصونة الدرة المكنونة حرمه و التاني تبنته عالمة ..عالمة مش مؤنث عالم لا دي اللي بترقص في الكباريهات...
و لكم تتخيلوا مصير و تربية كل واحد فيهم ..و نهايته كمان ..اللي ممكن الخصها لكم في ان الاول ضابط بوليس و التاني مدمن مخدرات و بيحب واحدة ابوها تاجر مخدرات و العياذ بالله البت حامل منه في الحرام ..
و عشان ربنا ما يحكمش على حد لازم الثورة تكمل و لازم تستمر و تحقق كل المطالب و الاهداف و لو رجعتوا للبوست اللي فاتت و شوفتوا قصة الشجرة الميتة . احنا وقعنا الشجرة و الفيران عمالة تهرب شمال و يمين ..مش حينفع نرجعها تاني لان الجذر اتخلع و ما فيش امامنا الا اننا نفضل ساندين الشجرة عشان ما تكملش وقوع و الخيران و السحالي تفضل جواها و كل يوم يطلع لنا فارين على جوز سحالي يتمشوا قدامنا يا اما نعمل للضجرة عملية ترميم و نكتفي بهذا القدر و ننتظر سقوطها على احد المارة اللي ممكن يكون اعز و اقرب الناس لينا ..
و اخيرا و ليس اخرا اخواني و اخواتي فلتحضروا معاولكم و بلطكم و فئوسكم و نكمل اجتثاث الشجرة فلربما نجد تحتها الفرع الصغير الذي سيكبرو يظلنا جميعا بظله....
و استعنا عالشقا بالله
تعبتوا ؟؟ زهقتوا ؟؟؟ مليتوا ؟؟؟ و لا يئستم و اصابكم الاحباط ؟؟لأان ما فيش فايدة ..يا خسارة و أنا اللي كنت فاكراكم مناضلين !!!!
و بعدين هي صلاة الجمعة ما بقيتش تجوز في الميدان و لا ايه؟؟عيب اوي اللي بتقولوه ده كنت فاكرة المندسين كثير .اتاريهم تابوا و بطلوا
بس انا عاوزة اقول لكم حاجة مهمة جدا..الحرامية الكومبو بس هما اللي في طرة انما الجامبوو اللارج و الميديم لسه بره ..و الثورة اعطتهم فرصة ذهبية للاستيلاء على ما لم يكن الكبار قد نهبوه من دماء و ارواح و أجساد هذا الشعب الطهقان ..يعني احنا ثبتنا اللي احنا عارفينهم عشان ندي فرصة للوجوه الجديدة ..بالذمة ده كلام؟؟؟
بالذمة الناس اللي عمالين ينطوا لنا في التلفزيون كل يوم مش هما هما ؟؟؟عارفينهم ؟؟ بتوع عاش الملك عاش!!! اللي النهاردة بيقولوا مات الملك مات !!! انتوا مش بتشوفوهم و لا انا متهيا لي ام اختلط على الامر؟؟
و الضباط اللي كانوا على راس النظام الشرطي في السنوات الاخيرة اللي كانوا بيساهموا في قمع كل من ينطق بكلمة حق لدى السلطان الجائر ؟؟ و على تشويه اي فرد يتصدى للفساد و المفسدين او يتحدث بسوء عن مخطط التوريث او يكشف للعامة فضائح النظام السابق و اآلة القمعية الجبارة التي تحصل عبى مرتباتها من قوت الشعب و اموال دافعي الضرائب...
عارفين انا عارفة اسامي ناس كثير اوي و الادهى من ذلك اني عارفة فضايحهم ..يعني مثلا لما يكون واحد موظف في وزارة العدل و مراته دكتورة في الجامعة و ولاده كلهم يبقوا موظفين في وزارة العدل بردو و كل واحد في العيلة عنده عربية معدية المياية ..مع ان العيلة ابا عن جد موظفين بردو و لا وارثين و لا عليهم طين ..و انا مش بارمي الناس بالباطل لاني مش باقول اسماء ..بس تفتكروا دول ممكن يكونو راكبين عربيات و كل واحد عنده شقة تمليك في ايام الغلا- عشان ما حدش يتذاكى و يقول شارييناها في الرخص ...و كل ده من مرتباتهم اللي يادوب تكفي مصروفات المدارس الخاصة و الاكل في البيت لان الديلفري مكلف جدا لو اسرة اللي حتاكل..؟؟؟؟و الله هو سؤال محير
و حاقول معلومة كمان يمكن تعرفكم الاجابة ..السيد الوالد عضو في اللجنة اللي بتمتحن الولاد اللي بيقدموا في النيابة ..و دمتم سالمين.
فتكروا لما يكون في قاضي ممكن يغير رايه في قضية ملفها معاه - و على فكرة القضاة (رئيس و عضو يمين و عضو شمال) بيقسموا القضايا و كل واحد بياخد ملف يقراه و يكتب مذكرة ممكن يعرضها عالباقيين بس مش حيقروا الورق كله ...عشان يعرفوا المذكرة تنفع و لا في حاجة زيادة او حاجة ناقصة و على فكرة الكلام ده مش تاليف او تخمين او استنتاج ده من فم راجل عضو في هيئة قضائية و عربيته عليها ثلاثين بادج...طيب لو سلمنا ان كلنا بشر و غير معصومين من الخطأ لو عندنا فرصة ننفرد بالقرار في اي حاجة ...يبقى احنا بنعترف ان لو حصل خطا كم واحد فيهم عند انفراده بالقرار ما حدش حيراجعه فيه و عليك باه و على قاضي تاني درجة و تاجيل في تاجيل و الشكوى لغير الله مذلة ...أي و الله مذلة .
انا لا اطعن في كل رجل شريف في هذا البلد و لكني يحزنني و يحز في نفسي ان اجد ان بعض بني وطني موجودين في مواقع حساسة و سيادية و مؤثرة و ان ما فيش جهاز رقابي مستقل يشرف عليهم و يقوم الاخطاء و يصلح الاعوجاج اذا ظهر و الخطا اذا بدر..
انا جبت تلات امثلة بس ..و لكن البقية تاتي في حلقة اخرى لضيق الوقت المتبقي و النهاردة الخميس مش حاسيب اي خروجة جامدة مع الاصدقاء و اقعد اتكلم في السياسة و احوال البلد ..انا مش سعد زغلول و مش حيتعملي تمثال زي بتاع طلعت حرب..
طيب نيجي للمهم : احنا عملنا الثورة ليه ؟؟؟ايه ده حد حدف حاجة ..مش مهم ..ما علينا انا مش باتهز و لا باتهدد ..عملناها عشان نعيش بكرامة و نخلص من الظلم و القهر و الجهل و الفقر و المرض ..عشان كل الناس تاخد الفرصة اللي تستحقها مش ابن الوزير يبقى وزير و ابن النايب يكون نايب و ابن عضو هيئة التدريس يطلع معيد ... و موظف البترول يطلع معاش و يجيب ابنه مكانه ..
عشان نخلص من الوراثة و التوريث هي مش عزبة ابوهم ..
عشان لما الفقير و الغني يعرفوا يعلموا ولادهم و ياخدوا نفس فرص الترقي و النجاح بالضبط ..عشان لما بواب العمارة يروح القسم يتعامل زي صاحبها تمام ..عشان العدل ..العدل يا جماعة..اي نعم ربنا خلقنا درجات و طبقات ..بس اللي بيحصل ده كتير ..في ناس كتير عايشة في البلد دي غريبة و حقها مهدور و كرامتها ضايعة يمكن انا مش منهم ..و اللي بيقرا الكلام ده كمان ..لكن تخيلوا معايا لو احنا مكانهم حيبقى شعورنا ايه؟؟؟ عارفين انا عندي فيلم على اللاب توب اتفرجت عليه تلاتين مرة فيلم عربي بجد و صدفة غربية ممكن يكون الحياة فيها اغرب منها الفيلم ده اسمه بدل فاقد و قصته تتلخص في توام في احد الملاجئ احدهما تبناه ضابط شرطة و السيده المصونة الدرة المكنونة حرمه و التاني تبنته عالمة ..عالمة مش مؤنث عالم لا دي اللي بترقص في الكباريهات...
و لكم تتخيلوا مصير و تربية كل واحد فيهم ..و نهايته كمان ..اللي ممكن الخصها لكم في ان الاول ضابط بوليس و التاني مدمن مخدرات و بيحب واحدة ابوها تاجر مخدرات و العياذ بالله البت حامل منه في الحرام ..
و عشان ربنا ما يحكمش على حد لازم الثورة تكمل و لازم تستمر و تحقق كل المطالب و الاهداف و لو رجعتوا للبوست اللي فاتت و شوفتوا قصة الشجرة الميتة . احنا وقعنا الشجرة و الفيران عمالة تهرب شمال و يمين ..مش حينفع نرجعها تاني لان الجذر اتخلع و ما فيش امامنا الا اننا نفضل ساندين الشجرة عشان ما تكملش وقوع و الخيران و السحالي تفضل جواها و كل يوم يطلع لنا فارين على جوز سحالي يتمشوا قدامنا يا اما نعمل للضجرة عملية ترميم و نكتفي بهذا القدر و ننتظر سقوطها على احد المارة اللي ممكن يكون اعز و اقرب الناس لينا ..
و اخيرا و ليس اخرا اخواني و اخواتي فلتحضروا معاولكم و بلطكم و فئوسكم و نكمل اجتثاث الشجرة فلربما نجد تحتها الفرع الصغير الذي سيكبرو يظلنا جميعا بظله....
و استعنا عالشقا بالله
ليست هناك تعليقات:
إرسال تعليق