دموع وطن

كان هناك واقف ..تحت الشمس و حرارتها و تراب الصحراء يلفح وجهه النبيل و ساعده الفتي..رفع العلم و رجع الكرامة و حرر الارض..و قال : الله أكبر ..الله أكبر

و جات ناس و راحت ناس و قعدوا ع الترابيزات في التكييف(هو كان في تكييف وقتها؟؟ ) مش موضوعنا.. بس الناس لا تعبت و لا شقيت و لا وقفت في الشمس و لا راح دمها و عرقها ع الارض.. اللي اتحررت..و كان سلاحهم كلمة و قلم..يمكن كانوا صح ..يمكن بصوا تحت رجليهم و بس و يمكن كان حق يراد به باطل.. نعم فالصورة اسفله توضح وضع سيناء - الأرض - بعد اتفاقية كامب دافيد و توزيع قواتنا المسلحة فيها و جهازنا الامني بعد التحرير و لكاني بهم يخضعون و انا من كنت اظنه سلام الاقوياء الذين يملون شروطهم..و الا فلتقرع طبول الحرب من جديد..

طبعا الخريطة واضحة جدا و اي طفل في ابتدائية ح يفهمها و يعرف ان جنودنا - اللي هما اصلا شباب صغير يؤدي خدمته العسكرية الاجبارية و لو حد فيهم له ظهر اصلا ما كانش اترمي هناك بلا غطاء- قد وضعت الاتفاقية في العراء بلا عتاد ليصبحوا صيدا سهلا للعدو القابع هنالك علي ذاك الخط الوهمي..نعم صيدا سهلا..قربانا نقدمه بلا ثمن ..لارباب لن يرضوا عننا الا ان بزوالنا ..

و كانت لحظة فارقة لم تلبث فيها العروق ان تبتل و يذهب الظمأ..و إذا بيد الغدر تطالهم ..و يذهب الظمأ للأبد..عسى ربي أن يرويهم من الحوض المورود..و يبدل سيئاتهم حسنات ..بضعة عشر من شبابنا الذين ذهبوا طائعين لاداء حق الوطن..علي عكس المدعو تامر حسني الذي هرب من آداء الخدمة العسكرية و كافأه الججيش بايقاف تنفيذ العقوبة ...بينما يرزح غيره من خيرة شباب الوطن تحت نير السجن الحربي و الاعتقالات العشوائية و المحاكمات الظالمة .. فتبا لقائد القي بجنوده في العراء و اختزل النصر في شخصه ثلاثون عاما ..ثلاثون عاما نمجد فيه و في طلعة معاليه الجوية ..طب و الناس اللي سالت دمائها ع الارض ؟؟حسبي الله و لا اقول غيرها ...

ثم تاتي لحظة فارقة اخرى..لنجد العدو الاول و الاوحد في غاية التعاون و اذ به يقتل من عبر حدودنا اليه في التو و اللحظة ..سبحانك يا رب ؟؟له في خلقه شؤون؟؟منذ متى و اسرائيل تقتل المجرمين بلا تحقيق ..و تعتصرهم حتى تخرج منهم باجابات عن ما يعفون و ما لا يعرفون...و لكن فلنصدق روايتهم ..اذا حدث هجوم من جانبنا علي نقطة حدودية فهل سيتجه المعتدي الي منطقة اخري قد لا تكون امنة بالنسبة له و غير المنطقة التي اتى منها؟؟ ده سؤال ...و فرضنا انهم هربوا الي اراضي اسرائيلية و جيش الاحتلال لقاهم..مش يعتقلوهم اولا و يعرفوا منهم هما مين ؟؟و يسلموهم لو مطلوبين في اي جهة؟؟ و لا هما كان عندهم علم بالهجوم و قاعدين مستنيين المهاجمين؟؟

الواقعة كلها غريبة..هناك حلقة مفقودة .. 

و لكن المهم ان الدرس وصل..و اننا لسنا في امان ..و اذا فتحتم المعابر و دعمتم القضية التي باعها الكل حتى اصحابها.. فانتم الخاسر الكبر من دمائكم و بنيكم..

و كانت الجنازة و التف الناس نساؤ و رجال..شباب و كهول ..يشيعون شهدائنا..و هم ليسوا مجرد شهداء ..باذن الله في اعلي مراتب الشهادة مع الصديقين و الانبياء.. فعينان لا تمسهما النار: عين بكت من خشية الله و عين باتت تحرس في سبيل الله..و يحضر الجميع ..و يغيب ربان السفينة .. ماتوا من اجل ان تعيش انت و نعيش نحن معك في امان..ماتوا جوعى و عطشى و انت تاكل و تشرب.. ذبحوا كالخراف ..بسكين بارد ..ربما لهذا حزنت عليهم كما لم احزن علي غيرهم ..فقتلانا علي الحدود كثيرون و لن يكونوا اخرهم ..و لكن قبل ذلك كانوا دوما ضحايا اشتباك مع معتد علي اراضينا و هيبتها ..يموتون محاربين ..يخرجون و يحملون السلاح في يد و ارواحهم في يد اخري و شعارهم الاول النصر او الشهادة ..انما هذه المرة ..لا اريد ان اسرد تفاصيل ..فاللحظة قاسية مبكية..و دموع الثكالى اقوى و اقسي منها ..اللهم اجعلها لعنات تهبط على كل من ادى بتخاذله و تقصيره في اداء واجبه الي ضياع نقطة دم كصرية واحدة ..

 و في نفس اللحظة التي كانت ذات الشمس تلفح فيها سواعد ووجوه المشيعين كان السيد الرئيس يتابع الموقف من وراء الشاشات ..

طبعا ما هو راجل دكتور مالوش في الزحمة و الحر..و اهله الفلاحين ما علمهوش ان تشييع الجنازة و الصلاة علي الميت من واجبات المسلم علي المسلم..طب كنت روح و اتشتم ..روح و انضرب..يكفيك شرف المحاولة ..انما انت جبان ..اخرك طرابيزات و اتفاقات من تحتها..انما تواجه بشجاعة !! أشك ..

و في نفس اللحظة اللي كل الناس فيها بتتابع الجنازة من وراء الشاشات او في الجنازة  اذ بي فوجئت بتلفزيون مصر اللي دايما ما تشوفش فيه حاجة تسر..جايب واحد صهيوني يحلل الموقف..و لا يحضرني في هذا الموقف الا كلمة واحدة ..ان الله عزيز ذو انتقام..

إياد عليما..محلل عسكري..و لما التلفزيون المصري هو اللي بيقول محلل عسكري دي..تاكدوا انه محلل عسكري من حواري اسرائيل..الناس دي بتتكلم بحساب ..يعني مش اي حد يطلع يقول و ينظر و يحلل..يا ربي ما فيش نيزك يحط علي ماسبيرو ده و يريحنا منه..و من البلاوي اللي بيحدفها علينا كل شوية ..!!!

و يبقي السؤال : من المستفيد ؟؟ و ما دوافعه؟؟ و هل هم مرتزقة ؟؟حتى المرتزقة يمولهم من له مكاسب من اي حدث..

فهل من مكاسب الاخوة الفلسطينيين اغلاق المعابر..و كسب عداء اخوانهم المصريين ممكن فقد لهم ابن او اخ في الحادث؟؟

و فقد التاييد الشعبي لاي من قرارات الرئيس الداعمة لقطاع غزة معنويا و ماديا؟؟ساذج من كان من يصدق هذا..

في النهاية ...النتيجة واحدة ..اللي ماتوا خلاص عند ربنا ..و لم تبقي الا الحسرة و الدموع ..

قلت كل ما هندي و اترك لكم الصورة التالية بلا تعليق.. و ليفهم منها كل واحد ما يريد 

قادة حماس في صلاة التراويح امام السفارة المصرية في غزة بعد الحادث الاليم

أخيرا

أخيرا يا شعب .. اصبح لدينا رئيس .. اي و الله و مش اي رئيس !!
ده معاه دكتوراه و حافظ القران كمان .. بس للأسف لا يدري عن شؤون الحكم و أحوال الدولة و لعبة السياسة شيئا ..
إيه ؟؟ مين؟؟ حد بيقول و مبارك يعني اللي كان فاهم .. لا يا أختي منك لها له .. ما كانش فاهم ، وهو ده اللي لبسنا السواد اللي إحنا لابسينه من عشرات السنين ده..
و لكن لنتعشم خيرا و نرجو من الله ان يوفق الرئيس الجديد .. ياه .. شوفوا الكلمة حلوة ازاي؟؟ الرئيس السابق و الرئيس الجديد .. الواحد مش مصدق نفسه يا نوال.. و كنا بندعو للرئيس الجديد ان يوفقه الله. و يسدد خطاه و يهديه لاختيار معاونيه بحكمة لأنهم هم مفتاح السر و حل اللغز
و لنومن جميعا بان مرسي ليس بيده العصا السحرية و ان التغيير يجب ان يبدأ مننا اولا و من القاعدة العريضة من الجماهير لان الله لا يغير ما بقوم حتي يغيروا ما بأنفسهم .. و إحنا انفسنا فيها بلاوي ربنا يتوب علينا منها
وعلي بركة الله سير يا مرسي و إحنا كلنا في ظهرك

الانتخابات بكرة يا جدعان..!!

مش قادرة اصدق ..بجد ..من أسابيع بامشي في الشوارع و أتفرج علي التوك شوز ..هو اللي حاصل ده حقيقي؟؟ شيء لا يصدقه عقل ...و كانه حلم اننا في مصر ..بلد عربي مسلم ..و عندنا عدد من المرشحين لرئاسة ليست اي رئاسة ..انما رئاسة مصر ..ام الدنيا..الدولة الرابعة علي مستوى العالم من حيث تعداد السكان المسلمين و الرابعة عشر من حيث تعدادها عامة..بلد الهلال و الصليب ..بلد الأهرامات و عرائس النيل..تفتكروا بلد بهذا الحجم ممكن اي حد يحكمها؟؟او يقودها او يكون قديرا في الإمساك بزمام أمورها؟؟ اعتقد في ناس كتير من قبل الانتخابات ومن الواضح جداً انها اكبر منهم بكثير..و ناس تانية بلغوا من العمر ارذله و محتاجين يأخذوا حقهم في الراحة فقط ليس الا..و ناس تانية لها شعبية و عندها فكر اتمنى لو لم يحالفهم الحظ بالنجاح الا ينساهم سعيد الحظ و يستفيد من خبراتهم في شتي المجالات و يتذكر ان خير من استخلفت القوي الأمين ..و كل اللي بيزعم انه سينتهي فلول النظام و أذناب مبارك و دلاديله بحجة انه ليس أمامنا الا هم !! أقوله اذا انت شايف نفسك مش راجل و لا قد المسؤولية انت حر و لكن أذكرك بقول من لا ينطق عن الهوى بان الخير باق في أمتي الي يوم الدين ..و بان هؤلاء الشراذم الباقية من حكم اللامبارك هم الادرى بشؤون البلاد فكلامك مردود عليه : هي كانت بلاد اصلا؟؟ دي كانت أبعادية أبوهم و إحنا فيها عبيد و لو عاوز أسياد سهل جداً ادينا جمعناهم لك في مكان واحد ..روح لهم هناك ع الكورنيش بعد المعادي بفركة كعب..
اللهم وفق أبناء هذا البلد لما تحب و ترضى فانت تعلم و نحن لا نعلم..اللهم اهدنا للخير و الحق يا رب ..اللهم لنصرنا علي القوم الظالمين..اللهم رد كيدهم في نحورهم و اسمعونا آمين :)

حركة مصرنا

المشروع الأول: احمِ ثورتك -
'via Blog this'

المشروع الأول للحركة: احمِ ثورتك

مقدمة:

الثورة المصرية هي ثورة شعب قام وانتفض ضد سنوات من القهر والفساد والدكتاتورية، ولم تكن هذه الثورة لتنجح في تحقيق أول أهدافها في إسقاط رأس النظام إلا بعد أن انضم الشعب إلى الشباب الذين بادروا بالنزول في 25 يناير وآمنوا بشرعية مطالبهم وأهميتها في تحقيق نهضة هذا الوطن. إلا أن هناك حربا إعلامية تُدار بشكل مُتقَن لمحاولة عزل الشعب عن ثورته ومقايضته بين أمنه وحريته، واقتصاده وكرامته، واستقراره ونهضته ويقوم بهذه الحرب الفكرية كل من له مصلحة في إعادة استنساخ النظام القديم في ثوب جديد يضمن لهم أن يأمنوا العقوبة وأن يستمروا في فسادهم. ولذا كان من الواجب علينا جميعا ألا نكتفي بالحديث مع أنفسنا بل توجب على الجميع أن نكون سفراء لهذه الثورة حاملين دعوتها السلمية إلى كل المصريين، مدافعين عنها ضد ما يُثار من إشاعات مضللة، ومبادرين باقناع الشعب بأهدافها النبيلة التي لم تتحقق على أرض الواقع حتى الآن، ومنادين بانتهاء الحكم العسكري لمصر والذي استمر لأكثر من ستين عاما.

الهدف:

أن يقوم كل عضو من أعضاء حركة مصرنا بدوره في حماية الثورة باقناع من حوله في الإنترنت والشارع سواء في المنزل أو العمل أو الجامعة أو المسجد أو الكنيسة بأهداف هذه الثورة والرد على ما يُثار ضدها من إشاعات بغرض تشويهها.

مدة الحملة:

من الآن وحتى 25 يناير القادم

الرسائل:

1. التذكير بمطالب الثورة: عيش - حرية - عدالة اجتماعية - المحاكمات العادلة
2. الثورة لم تحكم وأن المجلس العسكري هو المسؤول عن وضع البلاد الأمني والاقتصادي من فبراير ٢٠١١
3. مطالب الثورة السياسية هي تسليم إدارة الدولة بشكل كامل إلى سلطة مدنية ينتخبها الشعب (رئيس ومجلس شعب)
4. الرد على الشائعات وحملات التشويه التي تروّج أن الثوار يرغبون في إسقاط الجيش والشرطة لإسقاط الدولة وتقسيمها
5. الرد على الشائعات التي تعتبر الثورة مؤامرة أجنبية وأن الثوار مجموعات تعمل لصالح دول أجنبية
6. الرد على قضية أن الاعتصامات هي التي تتسبب في الاضرار بالاقتصاد وأن الثوار يستهدفون المنشآت الحيوية
7. الإشارة أن التغيير الحقيقي لم يطل المؤسسات الأمنية وأنها تتصرف بنفس عقلية ما قبل 25 يناير
8. سلمية الثورة هي الضامن لتحقيق أهدافها دون أن نضع أبناء مصر في مواجهة يخسر فيها الجميع
9. ‎ غياب العدالة وتأخرها في قضايا قتل وتعذيب المتظاهرين هي أحد أسباب الاحتقان الحالي
10. التصرفات السلبية لأي فصيل أو شخصيات محسوبة على الثورة لا ينبغي أن تُحسب على الثورة وجميع المؤمنين بها
11. الثورة حققت العديد من المكاسب التي كانت تعد مستحيلة منذ سنوات طويلة وحمت مصر من كارثة التوريث
12. التعريف بالنماذج الثورية التي ضحّت بحياتها من أجل حلم التغيير وأهمية متابعة ملفات المصابين وأهالي الشهداء

الوسائل:

1. لأصحاب المواهب: كتابة المقالات، تصميم الشعارات، الكاريكاتير، والأفلام القصيرة التي توصل هذه المعاني
2. نشر هذا المحتوى عبر مختلف المواقع والمنتديات لأكثر من 15 مليون مصري على الإنترنت
3. طباعة ما يُنشرعلى صفحة الحركة على الفيسبوك وتوزيعها في نطاق العمل والسكن والدراسة لتوسيع القاعدة الإعلامية
4. مشاركة أصحاب الرأي من أعضاء الحركة في ندوات جامعية وثقافية في مناطقهم للحديث عن الثورة ومطالبها
5. تنظيم مسيرات سلمية ومنظمة في مختلف المحافظات تُصحح الصورة الذهنية المرتبطة بالثوار ومطالبهم
6. دعوة الآخرين للاشتراك في حركة مصرنا لتوسيع قاعدة المشاركة في الحركة

كيف تبدأ؟

تابع صفحة الحركة على الفيسبوك وسترى تباعا في الأيام القادمة مجموعة من الاقتراحات التي نرجو أن تساهم معنا في تنفيذها وتشاركنا جميعا ثمراتها. وإذا كنت من أصحاب المواهب وقمت بإعداد محتوى يناسب الرسائل السابقة فأرسل لنا المحتوى الذي قمت بإعداده على: talents@masrena.org

بانتظار مشاركتك .. لا تعتمد على غيرك .. فدورك في حماية الثورة والتأكيد على سلميتها والعمل على تحقيق أهدافها هو واجب وطني

إن لم يكن من أجلنا فمن أجل أبنائنا .. بسم الله نبدأ

انت تحمون ملكا زائلا

اخر بوست كتبتها اتكلمت فيها عن حوار مع احد افراد المؤسسة العسكرية المصرية و سردت فيه بعض ما جاء به و كنت ناوية اكمله و لكن الاحداث المتلاحقة منعتني من الكتابة ..و هي ليست متلاحقة فقط و لكن مأساوية ايضا ..

من المخزي ان يتقاتل ابناء الوطن الواحد ..الاخ امام اخيه ..و من اجل ماذا ؟من اجل ملك زائل ..كلنا راحلون و الكفن مالوش جيوب و الدفن في لحد تحت الارض و الحساب امام رب واحد لا يشفع لديه مال او جاه !!

و لكن ..الاهم من ذلك ما يحدث منا نحن و ليس هم ..اصرارنا الغريب على عدم الالتفاف حول اي قائد ..

عدم توحيد المطالب ..

الاعتصامات اصبحت لا تمثل مطالب - فئوية كما يقال- و انما تحولت الى صداع لرجل الشارع العادي و للثوار ايضا فنحن حتى لو كنا ضد الاعتصام في هذه المرحلة الحرجة .. انما نحن قلبا و قالبا ضد اي محاولة لفضه بالقوة و الاعتداء على من فيه طالما استمر في سلمية و هدوء و بلا اي استفزاز لمشاعر الاخرين الذين قد لا يرون المعتصمون اصحاب حق..

و كانت الانتخابات و نزلنا كلنا وقفنا في الطوابير في عز البرد و المطر و انتخبنا في هدوء و لم يهزنا المخالفات العديدة من بعض الفصائل او يهد من عزيمتنا سيطرة فصيل واحد على المشهد الانتخابي الذي لم نحلم ان نصنعه كما صنعناه ..

و كانت النتائج التي توقعناها و لم نرض عنها بيننا و بين انفسنا لوعينا الكامل ان مخططات التجهيل الممنهج التي مورست ضد الشعب من عشرات السنين و سلبه الحق في تعليم افضل ينهض بعقلية المواطن ثقافيا و اخلاقيا و دينيا و يرتقي بفكره..

كل هذا ساهم في ما نشهده الان من تدين مظهري و سيطرة لرجال دين مزيفين - لم يكن احدهم يوما ذو علم حقيقي - على الغالبية العظمى من بسطاء الشعب و ابناءه العاديين ..

و ساهم في ذلك ايضا قرار المجلس العسكري بالدعوة الى انتخابات برلمانية عاجلة لم تتح الفرصة  امام جميع الفصائل لتعيد ترتيب اوراقها و حشد صفوفها و مريديها لتمثل المجتمع المصري بطوائفه السياسية تمثيلا حقيقيا..

و اللي ح يقول لي ما هي طلعت احزاب و نجحت ..ح اديه بوكس في خلقته لان الاحزاب ما هي الا انتماءات سياسية و ايدولوجية و ليست عقائدية و دينية لان باختصار لو الموضوع كده بقت سهلة جدا حزب كبير مليان مسلمين و حزب اخر مليان مسيحيين و وقتها الخلاف محسوم حول من ستمثل مصالحه على اكمل وجه في البرلمان ..اللي حصل ان اكثر الفصائل ترتيبا و توافقا على مبدا معين هي اللي عرفت تعمل احزاب ناجحة و ما حدش يزعل تاني من اللي ح اقوله السلفيين عملوا حزب و دخلوا اخوة اقباط و هما بياسسوه عشان لجنة الاحزاب توافق عليهم انما بعد ما بداوا الانتخابات و الشغل الحقيقي طردوهم برة و اللي تم تصعيدهم و ظهورهم و توليهم مناصب قيادية جواه مش مسلمين لأ..!!  سلفيين وبس !!! لحى فقط ..انظر للدعاية الانتخابية و لا ارى الا اللحى و لا حول و لا قوة الا بالله

و النساء على ذيل القائمة حتى يتم اقصائهن اوتوماتيكمو عشان النسبة و اللي كلنا عارفين ان مافيش حزب ح ياخدوا كل اعضاءه الا لو جاب مية المية ..و الاخ المهندس ساويرس لما عمل حزبه عمله لكل المصريين فعلا و لكن بقي الحزب امام العامة مسيحيا يضم المسيحيين و سمعته في الشارع كده و اللي مش مصدق ينزل يسال في الشارع مش ح يسمع غير حزب ساويرس ..

الاخوان لن اتحدث عنهم لاني من زمان باقول و باذن في مالطة انهم جماعة سياسية و لا اغراض دينية لديها انما هم يستخدمون شعارهم المطاط الاسلام هو الحل كي يستقطبوا اصوات الناخبين من بسطاء الناس لانهم باختصار بيقولوا لا اله الا الله يبقوا ناس كويسين ..

عارفين اللي مضايقني ؟؟؟ان احنا بجد شعب مسكين ما فيش حد عاوز يتقي ربنا فيه ..

الاهم من ده كله المشهد واضح انتخابات و تصويت و نتائج و كله عال ..البلطجية اختفوا لان اليد المحركة لهم توقفت و كانت مشغولة في الانتخابات و طبعا كله فاهم الكلام على مين و ما حدش يشتم ..بس ادعوا و قولوا اللهم رد كيدهم في نحورهم ..اللهم اضرب الظالمين بالظالمين و اخرجنا من بينهم سالمين . فالدعاء سلاحنا و الشكوى لغير الله مذلة 

نيجي باه لكواليس هذا المشهد افتكروا المرحلة الاولى من الانتخابات اللي في اخر التصويت و وقت الفرز حصل فيها اشتباكات في التحرير و ضرب و مولوتوف و قيل وقتها ان دول الباعة الجائلين و المعتصمين..

و المرحلة التانية اللي وقتها كان الاعتصام انتقل لمجلس الوزراء ..هل دي اول مرة يحصل فيها احتكاك بين الشعب و الجيش ؟؟و هل فعلا هما مش عاوزين الوقيعة دي؟؟طيب بما تفسر عدم انسحاب الجيش من اي مواقع اشتباكات زي ما عمل قبل كده في كذا جمعة ؟

الاهم من ذلك الاتجاه العام كان ان ح يحصل تصعيد من القوى الثورية لعدم رضاهم عن نتائج النتخابات لانها لا تعبر عن واقع الامر باي شكل من الاشكال ..طيب القوى الثورية و السياسية سكتت و اتخرست و احترمت راي الاغلبية ..و البلد ماشية و الحال عال رغم وجود الاعتصام ..و على فكرة صديقي العقيد .أ.ح كان تعليقه على ارتضائنا نتائج النتخابات كالتالي و بالحرف و الله على ما اقول شهيد : يعني انتوا عاجبكم الاراجوزات اللي بدقون دول يمسكوا البلد و احنا لأ؟؟ رديت : ايوة طالما الشعب اختارهم!! فكماكان منه الا ان ثار قائلا : الجيش اكثر مؤسسة منظمة في البلد دي و لو ما مسكش البلد دي ح تضيع و كلكم ح تشحتوا و مش ح تعرفوا تمشوا بعد كده في الشوارع ..ردت عليه قائلة : انا معاك ان اللي ب تقوله ده صح و دي حقيقة لا ننكرها بس فرق كبير بين الادارة و السياسة لما بتتعامل مع المجندين فدول فصيل واحد يربى على الطاعة العمياء و تنفيذ الاوامر حتى لو غلط و نفذ ثم تظلم ..و عنده استعداد للتضحية بروحه بلا خوف لنه عارف انه ح يموت عشان هدف ..انما هذا الاسلوب لن يفلح مع المدنيين ..لاننا باختصار لسنا فصيلا واحدا بايدولوجية واحدة و عقيدة واحدة و هدف واحد كاي رجل عسكري ..لن ينجح هذا مع شعب باكمله ..فبدا كلامي مقنعا مما جعله يرد باي عبارات هجومية تدل على اننا جيل فاشل ضايع ناقم على اباءه و اجداده و ناكر لافضالهم عليه ..هذه العقلية و هذا الرد كفيل بتوضيح الوحشية التي تعامل بها الجيش مع المعتصمين في الايام الاخيرة .و دفاعهم المستميت عن جنرالاتهم المجرمين السفاحين في محاولة لتكوين راي عام يقضي بان يستمر العسكريون في حكم البلاد و من يتوقع ان يتقبلوا وجود سلطة مدنية في البلاد و قوانين و دستور يجعلهم تحت طائلة القانون و ليسوا فوق المسائلة بيحلم اقراوا عن محمد نجيب اول رئيس لمصر الجمهورية و ما قاله عن الضباط الاحرار وقتها و انتم تفهموا..عامة كل ما يحدث ترهات ..

الاهم حاليا ان تتوقف تلك المهاترات و تنتهي الانتخابات و يكون عندنا مجلس شعب وساعتها يكون كفاحنا من اجل اختيار اللجنة التاسيسية للدستور بموافقة الشعب كله و ليس البرلمان وحده او المجلسي العسكري و مؤسسات الدولة التي مازال يسيطر عليها رجال المخلوع و نظامه القذر فالثورة تخلصت من راس الافعى فقط و لكن جسدها مازال متوغلا في جميع انحاء البلاد.. في موظفي الصف التاي و التالت في كل المصالح الحكومية و الوزارات ..

و مش مهم موقفنا نحن من الاعتصام ..المهم راي الاغلبية ..لا نريد ان نخسر سلاح الضغط الوحيد لدينا ..المجلس لا يريد انهاء الاعتصامات لانه باختصار لديه من الرجال و العتاد ما يجعله قادرا على ذلك انما هو يريدها حرب استنزاف تستعطف الشعب عن طريق احتكاكات توقع خسائر من الطرفين - و معروف الخسائر الاعلى فين طبعا بين ناس لابسة مدني و ناس لابسة خوذة و ماسكة درع - و يستغلها الجيش لكسب المزيد من التعاطف و التاييد لبقاءه في الحكم بحجة القضاء على الفوضى التي يديرها هو باقتدار..

هو احنا شكلنا وحش اوي كده؟؟

منذ فترة ليست بالطويلة و لا بالقصيرة التقيت باحد اعضاء المؤسسة العسكرية

و تبادلنا اطراف الحديث و تنوع ما بين شد و جذب ومناورات و مناوشات لتلافي اعلان وجهة النظر واضحة صريحة رغبة في الابقاء على جو لطيف و لان الاختلاف في الراي لا يفسد للود قضية ...

و الحق يقال الراجل سمعني للاخر و ما قاطعنيش بتاتا ..و لما سكتت روبي هانم عن الكلام سالني و قال لي خلصتي يا رؤى هانم؟؟

فرددت عليه :خلصت مبدئيا يا حضظابط..فقال لي ماشاء الله عليكي ..تتحلين بقدر عال من الانصاف و كلامك لا يخلو من الهجوم على اشخاص بعينهم و ربما رميت بعض الناس بتهم هم منها ابرياء و لكنه لا زال يخلو من التجريح ..

فقاطعته :سعادتك انا ضد مبادئ و لست ضد اشخاص..خاصة اذا كنت لا اعرفهم شخصيا و لكن اذا كنت ضد مبادئك فقد توصلت اليها و استنتجتها من تصرفاتك ..

رد مقاطعا : ربما او اكاد اكون شبه متاكد انك اسات الفهم او التفسير و ربما جانبك الصواب في استنتاجاتك .

و كان ردي : طيب ممكن اسالك سؤال ؟

رد بهدوء: اتفضلي 

انا : هل يطمع الجيش في حكم البلاد؟

رد بلا تفكير : و من غيره يصلح ؟؟انتي عاجباكي الفوضى اللي احنا فيها و قلة الادب و العيال السفلة اللي كل يوم عمالة تشتم و تقل ادبها على ناس اكبر منها سنا و خبرة و عقلا ؟؟

رددت : و هل يكون الرد على طيشهم اعتقالهم بلا تهم معقولة و القاءهم في سجون الحربية بدلا من سجون الداخلية ؟؟

فقال : زي مين مثلا ؟

انا : زي مايكل نبيل .علاء عبد الفتاح .اسماء محفوظ و 12 الفا من شباب البلد في السجون و لا اعرف اسماءهم جميعا

فثار : دي عيال قليلة الادب و ما شافتش رباية والسنتهم عاوزة قطعها و اللي يحكمني عليهم ...بس هاتوا هم لي..و البنت التانية دي اسمها ايه ..عقبت : اسراء عبد الفتاح ؟

فرد : ايوة الهانم العيلة اللي راكبة عربية بي ام دبل يو و ساكنة في التجمع الخامس..كل شهر بتسافر امريكا..

قلت له : اللي انا اعرفه من متابعتي لاسماء ان السبب اللي تم استدعائها من اجله هو انها قالت اذا ما فيش عدالة ما حدش يزعل لو طلعت ناس مسلحة و قامت بسلسلة اغتيالات و كلام كده ..

فرد : معاكي انها ممكن تكون ع النت مش بتشتم انما في الشارع اقفي اسمعيها ..منتهى قلة الادب و السفالة 

فكان ردي : هو قلة الادب و السفالة القانون يعاقب عليها ؟؟

فسكت و شعرت ان سؤالي مستفز و انه فهم منه اني معتادة على قلة الادب و السفالة فعقبت و قلت اذا كان اي حاكم سياسي يوجه له النقد فما مشكلة السادة اعضاء المجلس في تقبل النقد؟؟

فرد: المشكلة مش النقد المشكلة انهم بيتطاولوا على السيد المشير شخصيا ..

و سالته : ما شاء الله حضظابط متابع .فقاطعني : عميد يا انسة و بعدين ما هي الشتيمة و قلة الادب و العيال اللي اقل ما يقال عنهم انهم و لاد كذا و كذا و كذا (هو اقل كده فعلا لم يتلفظ باي لفظ خارج ) مش بتستخبى و بيتباهوا بيها و الفيديوهات في كل حتة

فقلت له : طيب انت شايف ان اللي بيقولوه مش صحيح؟؟ ما تعليقك على فضيحة كشوف العذرية ؟؟

رد قائلا ك كشوف العذرية كانت محاولة لنفي تهم التحرش بهن و الاعتداء على اي منهن جنسيا ..يعني انتو بتقولوا انكم اتاخدتم و اتقلعتوا هدومكم و اتعمل فيكو كذا و كذا يب تعالوا ورونا باه كذا و كذا 

رددت في هدوء : اذا كنت انت المشكو في حقه ..هل تقع عليك عتبات الاثبات او النفي ام انك من الواجب ان تجد جهة اخرى للتحري عن دقة هذا الادعاء !! الخصم و الحكم سبحان الله

فقال: ما انتوا بتشككوا في اي حد دلوقتي و اصبحتوا انتوا الوحيدين الشرفاء و اللي بتفهموا 

انا : مبدئيا انا عاوزة افهم مين انتوا ؟؟هو ليه فيه احنا و ليه في انتوا ؟؟ليه مش بتقول كلنا ؟؟

دي حاجة..

 و بعدين انا لما عرضت وجهة نظري على معاليك اعترفت ان البلد كانت كذبيحة و كلنا ايدينا متسخة - و لا مؤاخذة - بدمها ..يعني انا اقر باشتراكنا جميعا في ما كان يحدث و اننا جميعا مذنبون سواء بالصمت او الفرجة او نيل قطعة من اللحم ..

فاسقط في يديه و سكت ..

و للحديث بقية اكمله فيما بعد لاني لازم انزل ناو عندي مواعيد مهمة

انا يا اسرائيل ..

صباح الخير عليكم جميعا من زمان ما كتبتش مع ان جوا دماغي بركان افكار و كلام و حديث بس المساحة اللي كنا زمان لا نحصل عليها للنقد و توضيح السلبيات اصبحت الان للهجوم و الشتيمة و قلة الادب

 و اطلقت الثورة طاقات كامنة من القباحة و قلة الذوق لم نكن نعهدها و استغربها في شعب طيب متسامح زي الشعب المصري ..

عامة النهاردة الموضوع كبير و انا فرحانة على راي اللي بيقولوا فرح التنين ..

عارفين ليه ؟؟عشان زلزال تركيا ..

لا لا ماحدش يفهمني غلط ..

http://www.boston.com/bigpicture/2011/10/the_turkey_earthquake.html

انا حزينة من اجل اخواننا في البشرية و الانسانية و بني ديننا في تركيا و عوضهم الله فيما نكبوا فيه و صبر قلوب كل من مات له حد في الكارثة دي ..

بس اللي فرحني النهاردة ع الصبح كده خبر قريته في العربية عن طائرة مساعدات اسرائيلية لمنكوبي الزلزال في تركيا

http://www.alarabiya.net/articles/2011/10/27/173987.html

المهم تعالوا بقى نقرا اللي بين السطور او زي ما بيقولو وراء الكواليس و عشان نفسر اللي بيحصل ده

نرجع فلاش باك كده و نشوف كان ايه رد فعل اسرائيل على مقتل جنودنا ع الحدود ؟؟

الاول ناسف لقتلاكم ..و بعدها و بعد اعتصام السفارة فتحوا تحقيق

 و ما سمعناش عنه حاجة لحد ما حصل الاقتحام - و انا لست مع اقتحام السفارة طبعا و لو ان مشاعري تضاربت وقتها- و ساعتها سحبوا السفير وده كان خوفا عليه و ليس احتجاج على ما حدث بشكل او باخر

فهم اذكى من اي تصعيد ليس في مصلحتهم في الوقت الحالي ..

و ظهرت نتائح التحقيق و بعدها اعتذار رسمي و يمكن بقليل من الضغظ يكون في تعويضات لاسر الضحايا او ان ده حصل و ليس لي علم به فانا لست متابعة الاحداث بقوة لظروف خاصة ...طيب 

تعالوا كده و افتكروا تصريحات اوباما الاخيرة بخصوص اسرائيل لما قال اصدقائنا و مش ح نسيبهم لوحدهم في اول موقف معلن له من ابناء العم؟؟و احنا اللي كنا فاكرينه نصير القضية الفلسطينية ؟!؟؟!!!

http://www.opendemocracy.net/article/barack-obama-israels-true-friend

http://www.ekhbaryat.net/internal.asp?page=articles&articles=details&cat=3&newsID=30754

http://www.youm7.com/News.asp?NewsID=497395

http://www.alarab.net/Article/379174

طيب عشان اللي ليه شوق في حاجة يقولها و يفوق من الوهم و يعرف ان ما حك جلدك مثل ظفرك !!هو مين يا عم ينصر العرب و المسلمين اذا كانوا هما اصلا متشرذمين و عاوزين اللي يجمعهم على قلب رجل واحد ..ااااااه ح نقول ايه باه ؟؟ما يقدر ع القدرة الا ربنا

طيب كل ده ما يخليش اي واحد عنده مخ و فيه ذرة عقل واحدة يربط بين كل ده و يوصل لنتيجة ؟؟

اكيد انا لوحدي على الاقل وصلت لنتيجة 

ان اسرائيل وحيدة في المنطقة 

و انها حاسة بعد اختفاء الانظمة العربية المستبدة واحدا واحدا - و التي اتت بها اصلا امريكا في انقلابات عسكرية - اصبحت وحيدة 

و ان عدوي اللي في البيت اللي جنبي ممكن ينفع عن قريبي اللي في قارة تانية و بيني و بينه الاف الاميال 

و ان النووي اللي عندي لو فكرت استخدمه ضد اي دولة من دول الجوار فانا - كاسرائيل - ح اكون اول واحدة تكتوي بناره 

و ان الكيان اللي لا يقهر ما هو الا قط صغير مشاكس لو شخطت فيه شخطة ح تسجده 

طيب الى اصدقائي بتوع الاستكرار  و سيبوا الجيش عشان المؤامرة الخارجية و هجوم الترمينيتورز و كائنات المجرة اللي بعدنا بعشر الاف سنة ضوئية رايهم ايه ؟؟

لسه مرعوبين و هارين على نفسهم و بنطلوناتهم مبلولة خوفا من اسرائيل اللي مش عارفة تحتل دولة بحجم فلسطين و خلاص باه حتستصيع و تيجي تحتلنا احنا؟؟