الأربعاء، 20 فبراير 2013

مكملين

التدوينة دي مش بتاعتي .. ده شعر بنتي كتبته و كانت بصدد القاءه في الإذاعة المدرسية و مدرستها رفضت لان المدير اخوانجي .. أترككم معه الان :

قابلت إخوانجي في الشارع قال لي : انتم كافرين
منكم لله ..ردي عليه كان:
إحنا كافرين !! ماشي متشكرين
بس ليه إحنا كافرين ؟؟
عشان بالدين ماشيين
ولا عشان القران الكريم حافظين
ولا عشان بنحارب الجاهليين
اللي عايشين طول عمرهم ميتين
و ع الفساد ساكتين
بس إحنا مكملين
و عليكم مش ساكتين.
ح نحارب الفساد و ح نكلم الغلابة
اللي مش عايزين م الدنيا حاجة .
سلاحنا حريتنا و حق اليتيم
كرامتنا تاج فوق رأسنا و عنها مش متنازلين
الشهيد حقه طار..
بسببكم يا تتار
ارحمونا مش كده ..
الله هو الجبار
في كل قصة بتتحكي لنا الشرير بييجي له يومه
أنتو امتي جاي يومكم و لا مش ناويين تغوروا..
عن ثورتنا مش متنازلين
و بديننا مكملين ..
و شعارنا هو هو
(عيش حرية عدالة اجتماعية )
و يا ريت يبقى في ديمقراطية

جهاد سليمان

هناك تعليق واحد:

  1. برافو، شكرا على هته الأبيات و هذا الحس الشاعري، ح يغوروا ما تخافي ما دام فيه شباب يحب بلد زيك

    ردحذف